विधान परिषद पदवीधर मतदारसंघ निवडणूक
छत्रपती संभाजीनगर – मराठवाडा पदवीधर मतदारसंघातून महायुतीतील राष्ट्रवादी काँग्रेसचे उमेदवार आ. सतीश भानुदासराव चव्हाण यांनी सोमवारी (दि. ५ ऑक्टोबर) दुपारी अर्ज भरला. त्यांच्याबरोबर सामाजिक न्यायमंत्री आणि छत्रपती संभाजीनगरचे पालकमंत्री संजय शिरसाट, सहकारमंत्री बाबासाहेब पाटील आणि दुग्ध विकासमंत्री अतुल सावे, महायुतीतील विविध पक्षांचे नेते, पदाधिकारी, कार्यकर्ते आणि समर्थक मोठ्या संख्येने उपस्थित होते.
सतीश चव्हाण हे सत्ताधारी महायुतीचे अधिकृत उमेदवार असून यांच्याविरुद्ध महाविकास आघाडीचे दिलीप हरिभाऊ घुगे ही निवडणूक लढवत आहेत.
सतीश चव्हाण हे मेकॅनिकल इंजिनीअर असून, १९७७ पासून सक्रिय राजकारणात कार्यरत आहे. गेल्या अनेक वर्षांपासून मराठवाड्यातील शिक्षण क्षेत्रात ते काम करत आहेत. माजी उपमुख्यमंत्री दिवंगत अजितदादा पवार यांनी २००८ मध्ये राष्ट्रवादी काँग्रेसकडून सतीश चव्हाण यांना मराठवाडा पदवीधर मतदारसंघातून निवडणूक लढवण्याची संधी दिली. ती निवडणूक जिंकल्यापासून गेली १८ वर्षे ते या मतदारसंघाचे प्रतिनिधित्व करत आहेत.
या निवडणुकीसाठी २३ ऑक्टोबर २०२६ ला मतदान होणार असून, २७ ऑक्टोबरला त्याचा निकाल लागणार आहे.
