धाराशिव : तेरणा अभियांत्रिकी महाविद्यालयात डॉ. बाबासाहेब आंबेडकर तंत्रशास्त्र विद्यापीठ, लोणेरे अंतर्गत संस्थास्तरीय आविष्कार 2026-27 स्पर्धेचे उत्साहात आयोजन करण्यात आले होते. या स्पर्धेत सहभागी झालेल्या प्रकल्पांचे परीक्षण महाविद्यालयातील तज्ज्ञ प्राध्यापकांनी केले. कार्यक्रमाला प्राचार्य डॉ. विक्रमसिंह माने यांची प्रमुख उपस्थिती होती.
ते म्हणाले, ‘विद्यार्थ्यांकडे नेहमीच नवनवीन समाजोपयोगी संकल्पना असतात. त्यातून देशातील सामाजिक, शैक्षणिक व औद्योगिक समस्यांवर तोडगा निघू शकतो. फक्त त्यांना योग्य व्यासपीठ मिळणे गरजेचे असते. या स्पर्धेमुळे विद्यार्थ्यांच्या नवनवीन संकल्पना पुढे आल्या असून, त्यातील काही प्रकल्प भविष्यात निश्चितच पथदर्शी ठरतील, अशी मला आशा आहे.’
यावर्षी मानव्य विद्या, भाषा व ललितकला; वाणिज्य, व्यवस्थापन व विधी; प्युअर सायन्स; कृषी वपशुसंवर्धन; अभियांत्रिकी व तंत्रज्ञान; तसेच औषधनिर्माणशास्त्र व वैद्यकीय अशा सर्व शाखांमध्ये विद्यार्थ्यांनी आपले प्रकल्प सादर केले. महिला सुरक्षा स्मार्ट सिस्टीम, स्मार्ट वेटिंग व क्राउड कम्फर्ट सिस्टीम, JARVIS व्हॉइस असिस्टंट, एआय आधारित इमारत तडे शोध प्रणाली, ऑइल स्पिलडिटेक्शन, एआय आधारित स्मार्ट ट्रॅफिक मॅनेजमेंट, फुटस्टेप इलेक्ट्रिसिटी जनरेशन, प्लास्टिबाँड, क्लिनलूप, वेस्ट टू वेल्थ, शेतीसाठी लाय-फाय तंत्रज्ञान, औद्योगिक पाइप निरीक्षण रोबो, स्कॅम शील्ड – एआय आधारित डिजिटल फसवणूक शोध, किसान सहायक, आय. टी आधारित स्मार्ट पार्किंग, इलेक्ट्रिक व्हेइकल, फार्मा सेफ, डी. डी. आय. चेकर, पिकांवरील रोग ओळख प्रणाली, तसेच स्मार्टसिटी व सुरक्षित डेटा हँडलिंग यांसारख्या विविध आणि कल्पक संकल्पना विद्यार्थ्यांनी प्रकल्पांच्या माध्यमातून मांडल्या.
आविष्कार 2026-27 मध्ये एकूण 50 विद्यार्थ्यांनी सहभाग घेतला. त्यात अंडर ग्रॅज्युएट शिक्षण घेणाऱ्या श्रुती फुलचंद अदमुटे, रोजिना अखिल मकानदार, सबा सत्तार कुरेशी, ऋतुजा संतोष दराडे, सोहम गजानन दहितनकर, फैजान रफिक शेख, रयान मोहम्मद युसूफ मोमीन, शेख समीर मजनू, समृद्धी जाधव, सार्थक नितीन येनेगुरे, आस्था सिंग पंकज राजपूत, यशोदा लक्ष्मणराव घवाणे या 12 विद्यार्थ्यांनी यश मिळवले. तर पोस्ट ग्रॅज्युएट शिक्षण घेणाऱ्या पठाण सोहेल सय्यद गौस, ऐश्वर्या दत्तात्रय सक्राते, रुचा बद्रीनारायण धप्पा धुळे, अजित कलगते, विजय दादासाहेब पाटील, जयश्री होउडे, संध्याराणी राहुल हजारे, किशोर गुलाबराव हाके, ओंकार चंद्रकांत सारफळे, मयुरेश कुगावकर, विराज पाटील, सायली शिवाजीराव मुळगीर या 12 विद्यार्थ्यांनी यश मिळवले.
या सर्व 24 विजेत्या विद्यार्थ्यांची डॉ. बाबासाहेब आंबेडकर तंत्रशास्त्र विद्यापीठ, लोणेरे अंतर्गत सोलापूर/ लातूर विभागस्तरीय स्पर्धेसाठी निवड झाली आहे. येत्या 8 ऑक्टोबर 2026 रोजी होणाऱ्या विभागस्तरीय आविष्कार 2026-27 मध्ये हे विद्यार्थी महाविद्यालयाचे प्रतिनिधीत्व करणार आहेत.
आविष्कार 2026-27 चे समन्वयक व डीन आर. अँड डी. डॉ. सुशीलकुमार होळंबे, सहसमन्वयक प्रा. रवींद्र गुरव, प्रा. डी. बी. ठाकूर, प्रा. डी. बी. भक्ते, प्रा. बालाजी चव्हाण, प्रा. ए. के. पिंपळे, प्रा. व्ही. एस. बोंदर, डॉ. आर. बी. ननवरे या सर्वांनी कार्यक्रम यशस्वी होण्यासाठी परिश्रम घेतले.
