धाराशिव जिल्ह्यात अतिवृष्टीने शेतकऱ्यांचे अतोनात नुकसान झाले आहे. अनेक गावांमध्ये पुराचे पाणी शिरल्यामुळे नागरिकांची घरे पाण्याखाली गेली, पूरग्रस्त गावांमध्ये पायाभूत सुविधा उध्वस्त झाल्या आहेत. अशा परिस्थितीत विधान परिषदेचे आमदार प्रवीण दरेकर यांनी त्यांच्या वाढदिवसानिमित्त आज धाराशिव जिल्ह्यातल्या परांडा तालुक्यातील वाघेगव्हाण हे अतिवृष्टीग्रस्त गावदत्तक घेत या संकटकाळात गावकऱ्यांना मोठं दिलासा दिला आहे. यावेळी आमदार राणाजगजितसिंह पाटील यांची प्रमुख उपस्थिती होती.(Village adopted in Dharashiv district by Praveen Darekar)
यावेळी प्रवीण दरेकर यांनी वाघेगव्हाण येथील ग्रामस्थांशी संवाद साधला. सरकार आपलं आहे, शेतकऱ्यांनी काळजी करण्याचं कारण नाही आम्ही ठामपणे तुमच्यासोबत उभे आहोत. आमदार राणाजगजितसिंह पाटील आपल्या सोबत आहेत. कितीही संकटे आली तरी वाघेगाव्हाण येथील शेतकरी खचून जात नाहीत. ते खरे वाघ आहेत असे म्हणत त्यांनी गावकऱ्यांचे मनोबल उंचावले. यावेळी त्यांनी वाडेगव्हाण हे गाव दत्तक घेऊन त्याचा सर्वांगीण विकास करणार असल्याची घोषणा केली.
यावेळी आमदार प्रवीण दरेकरांकडून 254 कुटुंबियांना प्रत्येकी 2 हजारांची दिवाळी भेट देण्यात आली. याबरोबरच दिवाळी फराळ देखील त्यांनी वितरीत केला. येत्या काळात गावातील पायाभूत सुविधा उभारण्यासाठी आपण निधीची कमतरता पडू देणार नाही असे त्यांनी यावेळी सांगितले.
या कार्यक्रमाला मा.आ. सुजितसिंह ठाकूर, जिल्हाध्यक्ष दत्ता कुलकर्णी, श्नितीन काळे, विकास कुलकर्णी यांच्यासह स्थानिक पदाधिकारी, कार्यकर्ते व शेतकरी बांधव मोठ्या संख्येने उपस्थित होते.
