धाराशिव | तालुक्यातील गावसूद येथे शिवसेना उबाठा गटाच्या विद्यमान सरपंच श्रीमती महानंदा पांडुरंग सगर यांचे सुपुत्र गणेश सगर, ग्रामपंचायत सदस्य दत्ता पेठे आणि लक्ष्मण लांडगे यांनी आपल्या असंख्य कार्यकर्त्यांसह आमदार राणाजगजितसिंह पाटील यांच्या प्रमुख उपस्थितीत भारतीय जनता पार्टी मध्ये जाहीर प्रवेश केला.
भाजपची विकासनिष्ठ, लोकाभिमुख आणि राष्ट्रहिताची विचारधारा प्रेरणादायी असल्याने आपण पक्षात प्रवेश केल्याचे यावेळी त्यांनी सांगितले. गेल्या दोन दिवसांत गावसूद व वलगुड परिसरातील इतर पक्षांच्या अनेक कार्यकर्त्यांनीही भाजपमध्ये प्रवेश केल्याने या भागातील भाजपचे संघटन अधिक बळकट होणार असल्याचे चित्र आहे.
या प्रवेशप्रसंगी विजय पेठे, महादेव सगर, दीपक पेठे, महेश सगर, सोमा पेठे, शाम पेठे, विवेक पेठे, विनोद सरफाळे, संतोष पेठे, नाना पेठे, जीवन सगर, महेश पेठे, अशोक पेठे, महेश तेरकर यांनीही भारतीय जनता पार्टीत प्रवेश केला.
सदर पक्षप्रवेशवेळी नेताजी पाटील, नितीन भोसले, बालाजी तेरकर, हिम्मत भोसले, शाम तेरकर, गणेश एडके, पपिन भोसले, दयानंद भोसले, संदीप भोसले, जीवन डोलारे यांच्यासह गावसूद येथील प्रमुख कार्यकर्ते मोठ्या संख्येने उपस्थित होते.
