पुरातत्व विभागाच्या मदतीने सुरू असलेले श्री तुळजाभवानी मंदिरातील सिंहाच्या गाभाऱ्यातील जीर्णोद्धाराचे काम पूर्ण झाले आहे. या कामांतर्गत सिंहाच्या गाभाऱ्याला गिलावा करण्यात आला आहे.(Tulja Bhavani Temple work complete)
जीर्णोद्धाराच्या कामामुळे १ ऑगस्ट ते २० ऑगस्ट या कालावधीत धर्मदर्शन व देणगी दर्शन बंद ठेवण्यात आले होते. या कालावधीत भाविकांना फक्त देवीच्या मुखदर्शनाचीच व्यवस्था करण्यात आली होती.मात्र आता सिंहाच्या गाभाऱ्यातील जीर्णोद्धाराचे काम पूर्ण झाल्याने आजपासून पुन्हा भाविकांसाठी देणगी दर्शन व धर्मदर्शनाची व्यवस्था पूर्ववत सुरू करण्यात आली आहे.
श्री तुळजाभवानी देवीच्या दर्शनासाठी देशभरातून भाविक मोठ्या संख्येने तुळजापूर येथे येतात. मंदिरातील धार्मिक व सांस्कृतिक वारसा जतन करण्यासाठी तसेच भाविकांना सुरक्षित व सुव्यवस्थित दर्शनाचा अनुभव मिळावा, या उद्देशाने मंदिर प्रशासन सातत्याने पावले उचलत आहे. जीर्णोद्धारानंतर सिंहाचा गाभारा अधिक आकर्षक व मजबूत बनला असून भाविकांना आता अधिक सुयोग्य वातावरणात देवीचे दर्शन घेता येणार आहे.
